செலவு ரசம்

செலவு ரசம்

தேவையான பொருட்கள்:

பூண்டு – 7 பல்
பெரிய வெங்காயம் – 1 /4 – 1 / 2
சீரகம் – 3 / 4 தேக்கரண்டி
மிளகு – 10
வர கொத்தமல்லி – 1 1 / 2 தேக்கரண்டி
வர மிளகாய் – 1
மஞ்சள் தூள் – 1 /4 தேக்கரண்டி
பெருங்காயத்தூள் – 1 /4 தேக்கரண்டி
உப்பு – தேவையான அளவு
கொத்தமல்லி தழை – சிறிது
கடுகு – 1 /2 தேக்கரண்டி
கருவேப்பிலை – சிறிது
எண்ணெய் – 1 மேசைக்கரண்டி

செய்முறை:

1.கடாயில் சிறிது எண்ணெய் ஊற்றி மேலே கொடுத்துள்ள அனைத்து பொருட்களையும் சேர்த்து நன்றாக வதக்கிக் கொள்ளவும்.

2.வதக்கியவற்றுடன் மஞ்சள்தூள், பெருங்காயத்தூள் சேர்த்து நன்றாக அரைத்துக் கொள்ளவும்.

3.கடாயில் எண்ணெய் ஊற்றி கடுகு, கருவேப்பிலை தாளித்து அரைத்ததை ஊற்றி, தேவையான அளவு தண்ணீர் ஊற்றி நன்றாக கொதிக்கவிடவும்.

4.ரசம் தண்ணியாக வைக்க ேண்டும்.விருப்பத்திற்கேற்ப தண்ணீர் அளவை மாற்றிக் கொள்ளலாம்.

5.ரசம் நுரைத்துப் பொங்கி வரும்போது கொத்தமல்லி தூவி இறக்கவும்.

குறிப்பு :

1.இந்த ரசம் சளிக்கு நல்ல மருந்தாகும்.

2.புளி, தக்காளி இல்லாமல் செய்யகூடிய வித்தியாசமான ரசம் இது.